थंडी*

मारक वारे वाहत होते
थंडी भलती पडलेली
भयाण रात्री सहा माणसे
शेकोटीशी बसलेली

जोराचा हिमसेक जाहला
विझू लागली आग तशी
होती मोजुन सहा लाकडे
मिळुनि त्यांकडे कशीबशी

एक म्हणाला मी का टाकू
आगित या माझी काठी
दुजा म्हणे माझा शेजारी
मरेल का माझ्यासाठी?

तिसऱ्यानेही विचार केला
हे तर परक्या धर्माचे
चौथा सज्जन म्हणे कां बरे
यांना फळ मम कर्माचे?

लक्ष्मीपति हे दिसती सारे
वदे आणखी एक गडी
कां आम्ही यांस्तवे मरावे
शेकोटित फेकून छडी?

पाच जणांपरि म्हणे सहावा
कां माझे लाकुड टाकू?
परोपकारी मी न एकला
यांपुढती मी कां वाकू?

जिवघेणा मग पडे गारठा
शेकोटी गेली विझुनी
प्रत्येकाच्या स्वार्थापायी
साही जण मेले थिजुनी

सहा माणसे विलया गेली
अप्पलपोट्या करण्यांनी
थंडीने ती नाही मेली
मेली थिजल्या हृदयांनी

(*James Patrick Kinney यांच्या The Cold Within या कवितेचे स्वैर रूपांतर)

10 thoughts on “थंडी*

  1. Samir Dhond February 21, 2021 / 12:57 am

    खूपच छान. बऱ्याच दिवसांनी तुझी ही कविता मला आवडली. प्रत्येकाने स्वार्थाचं बघितला तर हे जग चालायचं कसं? पण तसं होत नाही. स्वार्थासाठी लोकं काहीही करतात याचा प्रत्यय आपल्या सगळ्यांनाच पदोपदी येत असतो, नाही का? छान शब्दात सत्य व्यक्त केलंस. अभिनंदन.

    Liked by 1 person

  2. Aseem Chandawarkar February 21, 2021 / 1:36 am

    Wonderfully adapted!

    Liked by 1 person

  3. Bhal Shrikhande February 21, 2021 / 4:02 am

    वाह वा, सत्येन !! कमाल केलीस !!
    मूळ कवितेचा इतका अप्रतिम भावानुवाद केलास, की स्थळकाळाचे बंधन तोडून ही कविता वैश्विक पातळीवर तू नेऊन ठेवलीस !!
    मला तर वाटते, की “प्रत्यक्षाहून प्रतिमा उत्कट !”

    Liked by 1 person

    • Satyen Hombali February 21, 2021 / 7:01 pm

      खूप खूप धन्यवाद भालचंद्र! तुझ्यासारख्या ज्ञानी आणि चोखंदळ रसिकाकडून आलेला अभिप्राय लाख मोलाचा! 🙏

      Like

  4. कुमार जावडेकर February 21, 2021 / 4:41 pm

    सुंदर..सहज, लयबद्ध… आवडली!

    Liked by 1 person

    • Satyen Hombali February 21, 2021 / 7:03 pm

      धन्यवाद कुमार!

      Like

  5. BYJ March 2, 2021 / 1:20 pm

    ईंग्रजी भावना खूप ताकदीने मराठी मधे आणली आहे. खूपच अर्थपूर्ण…..

    Liked by 1 person

    • Satyen Hombali March 2, 2021 / 1:39 pm

      धन्यवाद बलवंत!

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s